2024 చివ‌రి నాటికి ప్రపంచ జనాభా 7.1 కోట్లు పెరిగి మొత్తం 800.09 కోట్లకు చేరుకునే అవ‌కాశం ఉందని యూఎస్ సెన్స‌స్ బ్యూరో అంచనా వేసింది. ప్రపంచ జనాభాలో 0.9 శాతం పెరుగుదల నమోదవుతుందని తెలిపింది. కానీ, ఈ పెరుగుదల గ‌త ఏడాది నమోదైన 7.5 కోట్ల కంటే కొంత తక్కువగానే ఉందని పేర్కొంది.
2025 నాటికి ప్రతి సెక‌నుకు సగటు 4.2 మంది జ‌న‌నాలు, 2 మంది మరణాలు నమోదు కావచ్చని బ్యూరో అంచనా వేసింది. ఇది ప్రపంచ జనాభా పెరుగుదల రేటును ఆగమ్యంగా చూపిస్తోందని అభిప్రాయపడ్డారు. ఈ గణాంకాలు ప్రపంచ జనాభా మార్పు ధోరణులను విశ్లేషించేందుకు ఉపయోగపడతాయని నిపుణులు భావిస్తున్నారు.
అమెరికా జనాభా విషయానికి వస్తే, 2024 చివరికి 26 లక్షల మందితో 34.1 కోట్లకు చేరుకుంటుందని సెన్స‌స్ బ్యూరో వెల్లడించింది. జనవరి నుంచి డిసెంబరు వరకు 0.78 శాతం వృద్ధి నమోదవుతుందని వివరించింది. 2025లో ప్రతి 9 సెకన్లకు ఒక జననం, 9.4 సెకన్లకు ఒక మరణం నమోదు కావచ్చని అంచనా వేశారు.
అంతర్జాతీయ వలసలు ప్రతి 23.2 సెకన్లకు అమెరికా జనాభాకు ఒక వ్యక్తిని జోడించగలవని తెలిపింది. ఈ గణాంకాలు ప్రపంచ జనాభా పెరుగుదలలో వలసల ప్రాధాన్యాన్ని స్పష్టంగా రుజువు చేస్తున్నాయి. 2025లో ఈ మార్పులు గ్లోబల్ స్థాయిలో విప్లవాత్మకమైన ఫలితాలను చూపగలవని నిపుణులు విశ్లేషిస్తున్నారు.
