బండ్రాన్‌పల్లి, అనంతసాగర్, సత్యగామ, చందాపూర్, జూకల్ గ్రామాల ప్రజలు మాజీ ఎమ్మెల్యే భూపాల్ రెడ్డిపై తీవ్ర విమర్శలు చేశారు. గతంలో రోడ్డు సౌకర్యం లేకపోయినా పట్లోళ్ల కిష్టారెడ్డి కృషితో రోడ్డు, బస్సు సదుపాయాలు అందించారని తెలిపారు. కానీ, గత 10 ఏళ్లుగా భూపాల్ రెడ్డి పాలనలో రోడ్డు మరమ్మతులు చేయకుండా గ్రామాలను పట్టించుకోలేదని కాంగ్రెస్ నాయకులు ఆరోపించారు. బిఆర్ఎస్ నాయకులే భూపాల్ రెడ్డి పాలనపై అసంతృప్తి వ్యక్తం చేస్తుండటం గమనార్హం.
నివాసితుల మాటల్లో, గ్రామాల్లో అభివృద్ధి లేకపోవడానికి భూపాల్ రెడ్డే కారణమని విమర్శలు వెల్లువెత్తాయి. పలు గ్రామాలకు ప్రభుత్వం నిధులు కేటాయించినా, పనులు చేపట్టలేదని తెలిపారు. అంతేకాకుండా, పలు చోట్ల సీసీ రోడ్లు వేయకుండానే నిధులు దోచుకున్నారని ఆరోపించారు. గ్రామాల్లో బిఆర్ఎస్ నాయకులే, కాంగ్రెస్ ఎమ్మెల్యే పట్లోళ్ల సంజీవరెడ్డి పాలన మెరుగైనదని అంగీకరిస్తున్నారని కాంగ్రెస్ నేతలు అన్నారు.
బిఆర్ఎస్ పాలనలో గ్రామస్తులకు రోడ్డు వంటి ప్రాథమిక సదుపాయాలు లేకపోవడం దారుణమని కాంగ్రెస్ నాయకులు ఆగ్రహం వ్యక్తం చేశారు. రోడ్లను నిర్లక్ష్యం చేయడమే కాకుండా, పథకాల అమలులో అవినీతి జరిగిందని ఆరోపించారు. అధికారంలో ఉన్నప్పుడు అభివృద్ధి చేయలేకపోయి, ఇప్పుడు దొంగ ధర్నాలతో ప్రజలను మభ్యపెట్టే ప్రయత్నం చేస్తున్నారని మండిపడ్డారు.
కాంగ్రెస్ నాయకులు స్పష్టంగా హెచ్చరించారు – భూపాల్ రెడ్డి, బిఆర్ఎస్ ప్రభుత్వం తప్పుడు ప్రచారం చేస్తే తస్మాత్ జాగ్రత్త. భూపాల్ రెడ్డి పాలనలో జరిగిన అవినీతిపై నిజాలు బయటకు తీసుకువస్తామని హెచ్చరించారు. గ్రామ ప్రజలు భూపాల్ రెడ్డిని నమ్మే పరిస్థితి లేదని, పట్లోళ్ల సంజీవరెడ్డి అభివృద్ధి బాటలో నడిపిస్తున్నారని వెల్లడించారు.
