పూతలపట్టు పోలీసులు నలుగురు అంతరాష్ట్ర చైన్ స్నాచింగ్ ముఠాను అరెస్ట్ చేశారు. ఈ ముఠా చైన్ స్నాచింగ్, దోపిడీలు మరియు ఇంటి దొంగతనాలు చేస్తూ, ద్విచక్ర వాహనాలు మరియు కార్లను దొంగిలించుకుని అవి ఉపయోగించి నేరాలకు పాల్పడింది. పోలీసులు ఈ నిందితుల నుండి 2.5 లక్షల విలువ గల 53 గ్రాముల బంగారు ఆభరణాలు, 5 లక్షలు విలువ గల ఒక కారు మరియు రెండు ద్విచక్ర వాహనాలను స్వాధీనం చేసుకున్నారు.
ఈ ముఠా ప్రధానంగా ఒంటరి మహిళలను లక్ష్యంగా చేసుకొని చైన్ స్నాచింగ్ చేసేది. కర్ణాటక, తమిళనాడు, మరియు తెలుగు రాష్ట్రాలలో విస్తృతంగా గాలింపు చర్యలు చేపట్టి, పూతలపట్టు మరియు చిత్తూరు క్రైమ్ పోలీసులు వారి పర్యవేక్షణలో నిందితులను అదుపులోకి తీసుకున్నారు. నిందితుల వద్ద నుండి మారుతి స్విఫ్ట్ కారు, పల్సర్ బైక్ మరియు KTM డ్యూక్ బైక్‌ను స్వాధీనం చేసుకున్నారు.
పూతలపట్టు మండలంలోని కిచ్చన్నగారిపల్లి, తేనేపల్లి, ఐరాల మండలంలోని గుండ్లపల్లి బస్టాప్ వద్ద వరుసగా జరిగిన చైన్ స్నాచింగ్ దోపిడీలలో భాగంగా ఈ అరెస్టులు జరిగాయి. మొత్తం 3 చోట్ల చైన్ స్నాచింగ్ ఘటనలు చోటు చేసుకున్నాయి. వీటి ద్వారా పోలీసులు విచారణలో నిందితులను గుర్తించి, వారిని అరెస్ట్ చేసి సొత్తు రికవరీ చేశారు.
పొత్తలపట్టు పోలీస్ స్టేషన్‌లో నమోదైన ఈ కేసులపై పోలీసుల విచారణతో నిందితుల వివరాలు వెలుగులోకి వచ్చాయి. A1 శివకుమార్, A2 రెహాన్, A3 పరశురామ్, A4 కుమార్ మరియు A5 చంద్రశేఖర్ వీరంతా అనేక మైనారిటీ ప్రాంతాల్లో పలు నేరాలకు పాల్పడిన నేరస్తులు. 40కి పైగా కేసులు నమోదైన శివకుమార్ మరియు ఇతని మిత్రులపై పూర్వ నేరాలు కూడా ఉన్నాయి.
