హర్యానా రాష్ట్రం పానిపట్‌లోని ఒక ప్రైవేట్ స్కూల్‌లో జరిగిన అతి దారుణమైన విద్యార్థి దాడి ఘటన సోషల్ మీడియాలో తీవ్ర ఆందోళన సృష్టిస్తోంది. రెండో తరగతి చదువుతున్న ఏడేళ్ల బాలుడిని హోంవర్క్ చేయలేదనే చిన్న కారణంతో తలకిందులుగా వేలాడదీసి, దారుణంగా కొట్టిన ఘటన వెలుగుచూసింది. ఈ ఘటనకు సంబంధించిన వీడియోలు సోషల్ మీడియాలో వైరల్ కావడంతో పాఠశాలల్లో పిల్లల భద్రతపై ప్రశ్నలు ముడిపడుతున్నాయి.
పానిపట్‌లోని జట్టల్ రోడ్డులో ఉన్న ఈ ప్రైవేట్ పాఠశాలలో, ముఖిజా కాలనీకి చెందిన డోలీ అనే మహిళ తన కుమారుడిని ఇటీవలే చేర్పించారు. అయితే కొడుకు హోంవర్క్ చేయలేదని ప్రిన్సిపాల్ రీనా ఆగ్రహం వ్యక్తం చేయడంతో, బాలుడిని శిక్షించమని స్కూల్ డ్రైవర్ అజయ్‌కు ఆదేశాలు ఇచ్చారు అని తల్లి ఆరోపించారు. ఆ ఆదేశం మేరకు డ్రైవర్ అజయ్ బాలుడిని తాళ్లతో కట్టి, కిటికీకి తలకిందులుగా వేలాడదీశాడు. అంతే కాకుండా, కొడతతో దాడి చేసి, స్నేహితులకు వీడియో కాల్స్ చేస్తూ పైశాచిక ఆనందం పొందాడు.
ఈ దారుణ దృశ్యాలను స్నేహితులకు షేర్ చేయడంతో ఆ వీడియో బాలుడి కుటుంబానికి చేరింది. తల్లి డోలీ ఈ ఘటనను వెల్లడించి, తన కుమారుడి భద్రతకు పాఠశాల వైపు నుండి సహకారం లేకపోవడంతో తీవ్ర ఆవేదన వ్యక్తం చేసింది.
అంతేకాకుండా, ప్రిన్సిపాల్ రీనా స్వయంగా ఇతర చిన్న పిల్లలను కూడా పబ్లిక్ ముందు కొడుతున్న మరో వీడియో కూడా సోషల్ మీడియాలో వైరల్ అయింది. ఈ విషయం గురించి ఆమె ప్ర‌శ్నించగా, కొడుతున్న ప్రవర్తనను తల్లిదండ్రులకు అర్థం చేసుకుంటూ సమర్థించుకున్నారు. అయితే, విద్యాశాఖ దండనా విధానాల ప్రకారం పాఠశాలల్లో శారీరక దండన నిషిద్ధం.
ఈ ఘటనపై ప్రిన్సిపాల్ రీనా స్పందిస్తూ, డ్రైవర్ అజయ్‌కు కేవలం బాలుడిని మందలించాలని మాత్రమే ఆదేశించానని, తర్వాత దాడి జరిగినందుకు బాధ్యత స్వీకరించలేకపోయారు. అదేవిధంగా, ఆగస్టులోనే అజయ్‌ను తొలగించినట్లు వెల్లడించారు. కానీ, వీడియో బయటికి వచ్చిన తర్వాత అజయ్ కొందరు వ్యక్తులను తమ ఇంటికి పంపి బెదిరించాడని బాలుడి కుటుంబం ఫిర్యాదు చేసింది.
దీంతో మోడల్ టౌన్ పోలీస్ స్టేషన్‌లో ప్రిన్సిపాల్ రీనా, డ్రైవర్ అజయ్‌పై జువైనల్ జస్టిస్ చట్టం 2015 కింద కేసు నమోదు చేయబడింది. అధికారులు నిందితులపై కఠిన చర్యలు తీసుకుంటామని స్పష్టం చేశారు.
ఈ ఘటనపై తల్లిదండ్రులు, సామాజిక కార్యకర్తలు తీవ్ర ఆగ్రహం వ్యక్తం చేస్తూ, పాఠశాలల్లో పిల్లల రక్షణ కోసం ఉన్న చట్టాలను మరింత కఠినంగా అమలు చేయాలని డిమాండ్ చేస్తున్నారు. పిల్లల భద్రత పట్ల పాఠశాలలు, అధికారులు జాగ్రత్తగా ఉండాలని, ఈ తరహా హింసలకు అడ్డుకట్ట వేయాలని వారు కోరుతున్నారు.
