టాలీవుడ్ నుండి బాలీవుడ్‌కు దూసుకెళ్తున్న యువ నటి శ్రీలీల, ప్రస్తుతం ముంబైలో తన స్టైలిష్ లుక్స్‌తోనూ, వ్యక్తిగత జీవితానికి సంబంధించిన ఆసక్తికర అంశాలతోనూ వార్తల్లో నిలుస్తున్నారు. నవరాత్రుల సందర్భంగా గురువారం ముంబై ఎయిర్‌పోర్ట్‌లో పింక్ డ్రెస్‌లో మెరిసిన శ్రీలీల, ఫోటోగ్రాఫర్లకు చిరునవ్వుతో పోజులిస్తూ అందరి దృష్టిని ఆకర్షించారు. సంప్రదాయ గులాబీ రంగు పొడవాటి సూట్, శుభ్రమైన ఆభరణాలతో ఆమె అందం మరింత వెలుగొందింది. అభిమానులతో ఫోటోలు దిగుతూ, మరింత క్లాస్ యాక్ట్రస్‌గా ముద్రవేశారు.
అయితే ఈసారి శ్రీలీల వార్తల్లో నిలిచింది మరో ప్రత్యేక కారణం వల్ల కూడా. టాలీవుడ్‌లో హిట్ హీరోయిన్‌గా గుర్తింపు తెచ్చుకున్న ఆమె, ఇప్పుడు బాలీవుడ్ యంగ్ హీరో కార్తీక్ ఆర్యన్తో ఉన్న సాన్నిహిత్యం కారణంగా కూడా హాట్ టాపిక్ అవుతోంది. ఇటీవల గణేశ్ చతుర్థి సందర్భంగా కార్తీక్ ఇంట్లో జరిగిన కుటుంబ వేడుకల్లో శ్రీలీల హాజరవడం, ఆమెకు కార్తీక్ కుటుంబంతో ఉన్న అనుబంధాన్ని స్పష్టంగా చూపించింది.
ఆ వేడుకల్లో కార్తీక్ – శ్రీలీల జంట తెలుపు దుస్తుల్లో కనిపించగా, వారి తల్లులు ఒకే ఫ్రేములో కనిపించటం అభిమానుల ఊహలకు మరింత ఊతమిచ్చింది. అంతే కాదు, మార్చిలో కార్తీక్ సోదరి డాక్టర్ కృతిక తివారీకు జరిగిన సెలబ్రేషన్ పార్టీకి కూడా శ్రీలీల హాజరైందన్న సంగతి మరువకూడదు. ఈ పరిణామాలన్నీ ఇద్దరి మధ్య ఉన్న బంధం కేవలం ప్రొఫెషనల్‌ లెవల్‌ కాదని, వ్యక్తిగతంగా బలమైన ఫ్రెండ్‌షిప్ ఉందని సూచిస్తున్నాయి.
ఇదిలా ఉండగా, శ్రీలీల మరియు కార్తీక్ ఆర్యన్ జంటగా ప్రముఖ దర్శకుడు అనురాగ్ బసు తెరకెక్కిస్తున్న రొమాంటిక్ ఎంటర్‌టైనర్‌తో శ్రీలీల బాలీవుడ్ అరంగేట్రం చేయబోతున్నారు. ఇంకా టైటిల్ ఖరారు కాని ఈ ప్రాజెక్ట్ ప్రస్తుతం ప్రీ-ప్రొడక్షన్ దశలో ఉంది. కార్తీక్ ఈ సినిమాలో పూర్తిగా కొత్త లుక్‌లో – గడ్డంతో, పొడవాటి జుట్టుతో కనిపించనున్నాడని సమాచారం. శ్రీలీల కోసం ఇది బాలీవుడ్‌లో బ్రేక్‌థ్రూ ఛాన్స్‌గా భావిస్తున్నారు.
సినిమా సెట్స్‌ మీదికి వెళ్లకముందే, కార్తీక్ కుటుంబంతో ఆమె ఈ స్థాయిలో కనెక్ట్ అవ్వడం, వారి ఆన్-స్క్రీన్ కెమిస్ట్రీపై ఇప్పటికే అంచనాలను పెంచుతోంది. అభిమానులు వీరిద్దరి మధ్య కెమిస్ట్రీతో పాటు, ఈ సంబంధం మరెక్కడికైనా దారితీస్తుందా? అనే క్వశ్చన్‌మార్క్‌తో ఆసక్తిగా ఎదురు చూస్తున్నారు.
