తెలంగాణ బీజేపీ ఎంపీ డీకే అరుణ ఆంధ్రప్రదేశ్ ముఖ్యమంత్రి చంద్రబాబుపై ప్రశంసలు కురిపించారు. ఏపీని అభివృద్ధి పథంలో ముందుకు నడిపించడంలో చంద్రబాబు పాత్ర అపూర్వమని తెలిపారు. విజయవాడ ఎమ్మెల్యే సుజనా చౌదరి అభివృద్ధి సాధించాలని ఆకాంక్షించారని అన్నారు.
డీకే అరుణ విజయవాడ కనకదుర్గ ఆలయాన్ని ఈరోజు కుటుంబ సమేతంగా దర్శించారు. ఈ సందర్భంగా మీడియాతో మాట్లాడుతూ, ఆలయం ఎంతో అభివృద్ధి చెందిందని అన్నారు. ఆలయ పరిరక్షణకు తీసుకున్న చర్యలతో తాము ఆనందిస్తున్నామని తెలిపారు.
అమ్మవారి దర్శనానికి ఆలస్యం జరిగిన విషయాన్ని గుర్తు చేశారు. వరదల కారణంగా ఆలయంలోకి రావడానికి ఆలస్యం జరిగినట్టు చెప్పారు. అమ్మవారి అనుగ్రహంతో విజయవంతంగా ముందుకు సాగుతున్నామని చెప్పారు.
తెలుగు ప్రజలు రెండు రాష్ట్రాలుగా విడిపోయినప్పటికీ, అందరి మేలు కోసమే తాను ప్రార్థించినట్టు తెలిపారు. విజయవాడ ఆలయం అభివృద్ధిని చూసి గర్వపడుతున్నామని పేర్కొన్నారు. అమ్మవారి కృపతో అందరి జీవితం విజయవంతం కావాలని ఆకాంక్షించారు.
