భారత్ మరియు రష్యా మధ్య స్నేహబంధం శిఖరాలను దాటి సముద్రాల కన్నా లోతుగా ఉందని రక్షణ మంత్రి రాజ్నాథ్ సింగ్ పేర్కొన్నారు. మూడు రోజుల రష్యా పర్యటనలో భాగంగా రాజ్నాథ్ సింగ్ ఆ దేశ అధ్యక్షుడు వ్లాదిమిర్‌ పుతిన్‌తో భేటీ అయ్యారు. ఈ సమావేశంలో రష్యా రక్షణశాఖ మంత్రి ఆండ్రీ బెలోవ్‌సోవ్‌ కూడా పాల్గొన్నారు.
ఈ భేటీలో ఇరుదేశాల రక్షణ సహాకారం, భవిష్యత్ ప్రణాళికలపై సవివరంగా చర్చలు జరిగాయి. రక్షణ రంగంలో ఉన్న మైత్రి బంధాన్ని మరింత బలపరచాలని ఇరువురు నేతలు అంగీకరించారు. ఈ సందర్భంగా రాజ్నాథ్ సింగ్ మాట్లాడుతూ, రష్యా స్నేహితులకు భారత్ ఎప్పటికీ అండగా ఉంటుందని స్పష్టం చేశారు.
రష్యా పర్యటనలో భాగంగా భారత్-రష్యా మైత్రి సంబంధాల పరిమాణం, వారసత్వం గురించి చర్చించారు. సాంకేతిక పరిజ్ఞానం, శక్తి వినియోగం, రక్షణ రంగాల్లో భారత్-రష్యా భాగస్వామ్యం అత్యంత ప్రాముఖ్యతను సంతరించుకుందని రాజ్నాథ్ అన్నారు.
ఈ పర్యటన ఇరుదేశాల స్నేహ సంబంధాలను మరింత బలపరచడానికి కీలకమని విశ్లేషకులు అభిప్రాయపడ్డారు. భారత్-రష్యా మైత్రి భవిష్యత్ లో ప్రపంచ మానవహిత సాంకేతిక రంగాలలో నూతన ప్రగతులకు దారి తీస్తుందని నేతలు ఆశాభావం వ్యక్తం చేశారు.
