లండన్ నగరంలోని చారిత్రక ట్రాఫాల్గర్ స్క్వేర్ అక్టోబర్ 12న ‘దివాలీ ఆన్ ది స్క్వేర్ 2025’ ఘనోత్సవాలకు వేదికగా నిలిచింది. దీపావళి పండుగ సందర్భంలో హిందూ, సిక్కు, జైన్ కమ్యూనిటీల వేలాది మంది ప్రజలు ప్రాంగణంలో చేరి సంబరాలకు రంగు చేర్చారు. భారతీయ సాంస్కృతిక కార్యక్రమాలతో ఈ వేడుకల్లో పాల్గొనేవారు మురిపాలను పొందారు.
కార్యక్రమం ప్రారంభంలో 200 మంది కళాకారులు ప్రదర్శించిన నృత్య ప్రదర్శన ప్రేక్షకులను మురిపించేసింది. శాస్త్రీయ నృత్యాలు, జానపద నృత్యాలు, బాలీవుడ్ స్టెప్పులు కలిపి ప్రదర్శించబడ్డాయి. హిందూ, సిక్కు, జైన్ సమాజాలకు చెందిన కళాకారులు తమ సంప్రదాయ, సాంస్కృతిక కళారూపాలతో వేడుకలను అలరించారు. ఈ ప్రదర్శనలు భారతీయ సంప్రదాయం, పండుగల భాగస్వామ్య విలువలను ప్రతిబింబించాయి.
ప్రాంగణంలో సందర్శకుల కోసం ప్రత్యేక కార్యక్రమాలు ఏర్పాటు చేశారు. చీర కట్టడం, తలపాగా చుట్టడం, యోగా సెషన్లు, పిల్లల కోసం తోలుబొమ్మలాటలు వంటి వినోద అంశాలు ప్రజలకు అందుబాటులో వున్నాయి. ‘ఎ గ్లింప్స్ ఆఫ్ గాడెసెస్’ పేరుతో నిర్వహించిన ఆధ్యాత్మిక కార్యక్రమం ప్రత్యేక ఆకర్షణగా నిలిచింది. ప్రాంగణంలోని ఫుడ్ స్టాల్స్‌లో శాకాహార, వీగన్ వంటకాలను ఆస్వాదించడానికి అవకాశం ఏర్పడింది.
యూట్యూబర్ నయీమ్ కౌసర్ తన ఇన్‌స్టాగ్రామ్‌లో ఈ వేడుకలను ఉత్సాహభరితమైన పండుగగా పేర్కొన్నారు. ఆయన “లండన్‌లో జరిగే అత్యంత ఉత్సాహభరితమైన వేడుకల్లో ఇది ఒకటి. భారత సంప్రదాయం, బ్రిటిష్ వేడుకల అద్భుత కలయిక ఇక్కడ కనిపిస్తుంది” అని ప్రస్తావించారు.
లండన్ మేయర్ సాదిక్ ఖాన్ ఈ కార్యక్రమానికి హాజరై తన ఆనందాన్ని వ్యక్తం చేశారు. ఆయన ట్విట్టర్‌ లో, “చీకటిపై వెలుగు సాధించిన విజయానికి ప్రతీక అయిన దీపావళి స్ఫూర్తిని పంచుకోవడానికి ట్రాఫాల్గర్ స్క్వేర్‌కు వచ్చిన ప్రతిఒక్కరికీ ధన్యవాదాలు. లండన్‌లోని హిందూ, సిక్కు, జైన్ కమ్యూనిటీలకు దీపావళి శుభాకాంక్షలు” అని పోస్ట్ చేశారు.
ఈ వేడుకలు లండన్ మేయర్ కార్యాలయం, దివాలీ ఇన్ లండన్ కమిటీ సంయుక్తంగా నిర్వహించాయి. సాంప్రదాయానికి, సమూహాల కలయికకు, భోజనం మరియు వినోదానికి సమగ్ర వేదికగా ఈ వేడుకలు నిలిచా
