ఉత్తరప్రదేశ్‌లోని మేరఠ్‌లోని లిసాడి గేట్ ప్రాంతంలో ఒక ఆసక్తికర ఘటన చోటుచేసుకుంది. మౌలానా షకీర్‌ మరియు అర్షి మధ్య వివాహం జరిగిన ఆరు నెలల అనంతరం, చిన్న కారణంతో అర్షి తన భర్తను వదిలి, మరిదితో పరారయ్యింది. ఈ ఘటనతో షకీర్‌ కుటుంబం షాక్‌కు గురైంది.
వివాహం జరిగిన తొలి రాత్రి నుంచే అర్షి తన భర్త గడ్డంపై అభ్యంతరం వ్యక్తం చేసింది. ఆమె గడ్డాన్ని తీసేయాలని కోరినా, షకీర్‌ గడ్డం తీసేది లేదని చెప్పి, ఈ విషయంపై వారి మధ్య తరచూ గొడవలు జరిగాయి. అర్షి క్లీన్ షేవ్‌తో తిరుగుతున్న మరిదిపై తన మనసు పారేసుకున్నది.
షకీర్‌ ప్రతిరోజూ పనికి వెళ్లిన సమయంలో, అర్షి ఇంట్లో మరిది మరియు అత్తతో మాత్రమే ఉండేది. ఈ నేపథ్యంలో, ఆమె మరిదితో దగ్గరవటం ప్రారంభించింది. రెండు వారాలు గడిచాక, అర్షి మరిదితో కలిసి ఇంటి నుంచి పారిపోయింది. షకీర్‌ ఆ విషయం గురించి అర్షి తల్లిదండ్రులకు చెప్పగా, వారు తమ కూతురితో ఇకపై ఏ సంబంధం లేకుండా ఉంటామని ప్రకటించారు.
ఈ నిర్ణయంతో షకీర్‌ పోలీసులను ఆశ్రయించి, మిస్సింగ్ కేసు నమోదు చేశాడు. ప్రస్తుతం, పోలీసులు ఈ ఘటనపై దర్యాప్తు చేస్తున్నారు. కుటుంబ సభ్యులు, పోలీసులు ఈ సంఘటనపై ఏమి నిర్ణయించుకుంటారు అనేది చూడాలి.
