ప్రముఖ హీరో ప్రభాస్ నటిస్తున్న తాజా చిత్రం ‘ది రాజా సాబ్’ ట్రైలర్ నిన్న విడుదలై సినీప్రియుల్లో భారీ అంచనాలు కలిగించింది. ఇందులో ప్రభాస్‌ను చూడటం పూర్తిగా ఓ కొత్త అనుభూతి అని అంటున్నారు ప్రేక్షకులు. ముఖ్యంగా, గత కొంత కాలంగా వరుసగా సీరియస్ యాక్షన్, ఇన్టెన్స్ క్యారెక్టర్లలో కనిపించిన ప్రభాస్ ఈసారి మాత్రం మరో కోణంలో మెరిస్తున్నాడు. ఈ ట్రైలర్‌పై ముక్యంగా స్పందించిన వారు ఎవరో కాదు – సంచలన దర్శకుడు రామ్ గోపాల్ వర్మ.
సోషల్ మీడియాలో ఎప్పుడూ తన స్పష్టమైన అభిప్రాయాలు వెల్లడించే వర్మ, ఈసారి ‘ది రాజా సాబ్’ ట్రైలర్ చూసి భావితెచ్చుకుని, దర్శకుడు మారుతిపై ప్రశంసల జల్లు కురిపించారు. “చాలా ఏళ్లుగా ప్రభాస్‌లోని తీవ్రమైన కోణాన్నే చూస్తున్నాం. కానీ ‘ది రాజా సాబ్’ పోస్టర్ చూస్తుంటే ఇది కేవలం ఇంటెన్స్ లేదా ఛార్మ్ మాత్రమే కాదు, ప్రభాస్‌లోని అత్యుత్తమ కోణాలన్నింటినీ కలిపిన మల్టీ మసాలా మిక్స్‌లా ఉంది,” అంటూ వ్యాఖ్యానించారు వర్మ.
అంతేకాదు, ఈ కొత్త కోణాన్ని ప్రదర్శించేందుకు కృషి చేసిన దర్శకుడు మారుతికి, సినిమా వెనుక నిలిచిన నిర్మాత విశ్వప్రసాద్‌కు ప్రత్యేకంగా కృతజ్ఞతలు తెలిపారు. “ఇలాంటి ప్రయత్నానికి ప్రేక్షకుల నుంచి తప్పకుండా స్పందన లభిస్తుంది,” అంటూ ఆయన అభిప్రాయాన్ని పేర్కొన్నారు. వర్మ తరహాలో వచ్చిన ఈ స్పందన, తెలుగు సినీ ప్రపంచంలో చర్చనీయాంశమైంది.
వర్మ ట్వీట్‌కు భావోద్వేగంగా స్పందించిన మారుతి
వర్మ చేసిన ప్రశంసలపై ‘ది రాజా సాబ్’ దర్శకుడు మారుతి ఎంతో భావోద్వేగంతో స్పందించారు. “థాంక్యూ సర్. మీ ‘దొంగల ముఠా’ సినిమాను చూసి నేనెంతో స్ఫూర్తి పొందాను. ఆ సినిమా చూసిన తర్వాతే, చిన్న బడ్జెట్‌తో సినిమాలు తీయవచ్చనే ధైర్యం కలిగింది. అందుకే 5డి కెమెరాతో ‘ఈ రోజుల్లో’ తీసాను. నా తొలి సినిమాకు మీరు ప్రేరణ. అప్పుడే టైటిల్స్‌లో మీ పేరు కృతజ్ఞతలతో చేర్చాను,” అని ట్వీట్ చేశారు మారుతి.
అంతటితో ఆగకుండా, “ఇన్నాళ్ల ప్రయాణం తర్వాత మీలాంటి ఒక మహనీయ దర్శకుడి నుండి ఇలాంటి ప్రశంసలు రావడం, అది కూడా నా ప్రభాస్ సినిమాకై రావడం చాలా గర్వంగా ఉంది. ప్రభాస్‌లోని మరో కొత్త కోణాన్ని తెరపై చూపించేందుకు నాకు అవకాశం ఇచ్చినందుకు డార్లింగ్‌కు ఎప్పటికీ రుణపడి ఉంటాను,” అని మారుతి అన్నారు.
ప్రభాస్‌లో కొత్త లుక్, కొత్త ఎనర్జీ
‘ది రాజా సాబ్’ ట్రైలర్ చూస్తుంటే ప్రభాస్ ఈ సినిమాలో పూర్తి రొమాంటిక్, కామెడీ టచ్‌తో ఉండే క్యారెక్టర్‌లో కనిపించబోతున్నట్టు స్పష్టంగా అర్థమవుతోంది. గత కొంత కాలంగా ‘సాహో’, ‘రాధే శ్యామ్’, ‘ఆదిపురుష్’, ‘సలార్’ వంటి గంభీరమైన పాత్రల నుండి ఒకదానికొకటి బరువైన సినిమాల వరుసలో ఆయన కనిపిస్తూ ఉండగా, ఈసారి మాత్రం పూర్తి డిఫరెంట్ గెటప్, బాడీ లాంగ్వేజ్, లవ్ & కామెడీ మిక్స్‌తో ప్రేక్షకులను అలరించనున్నట్టు అనిపిస్తోంది.
వర్మ – మారుతి – ప్రభాస్: ముగ్గురు మధ్య ప్రత్యేకమైన బాంధవ్యానికి నిదర్శనం
ఈ ఘటన వల్ల స్పష్టంగా తెలిసింది – తెలుగు సినీ ఇండస్ట్రీలో మెంటార్-స్టూడెంట్ సంబంధాలు ఎంత ప్రభావవంతంగా ఉంటాయో. వర్మ నుంచి స్ఫూర్తి పొందిన మారుతి, ఇప్పుడు అదే వర్మ చేత ప్రశంసల పునాదులు పొందడం, సినీ ప్రయాణంలో ఒక గొప్ప మైలురాయిగా నిలుస్తుంది.
