“చాక్లెట్ ఆశ చూపి 6 ఏళ్ల బాలికపై అఘాయిత్యం – మసీదు వద్దే మౌల్వీ తండ్రి అరెస్ట్”

కర్ణాటక రాష్ట్రంలోని చిక్కబళ్లాపురం జిల్లాలో మానవత్వాన్ని మంటగలిపే ఘటన చోటుచేసుకుంది.ఒక మసీదులో ఆరేళ్ల బాలికపై లైంగిక దాడికి పాల్పడ్డ మౌల్వీ తండ్రిని పోలీసులు అరెస్ట్ చేశారు.తల్లిదండ్రుల దృష్టికి రాకుండా చాక్లెట్ ఆశ చూపి బాలికను మసీదులోకి తీసుకెళ్లిన నిందితుడు, అక్కడే అమానుషంగా వ్యవహరించినట్లు సమాచారం. ఈ ఘటన వెలుగుచూసిన వెంటనే స్థానికులు ఆగ్రహావేశాలతో నిందితుడిపై దేహశుద్ధి చేసి, పోలీసులకు అప్పగించారు. అయితే, ఈ ఘటనపై మసీదు జమాత్ కమిటీ ప్రవర్తనపై స్థానికులు తీవ్ర అసంతృప్తి వ్యక్తం చేశారు.నిందితుడిని కాపాడేందుకు ప్రయత్నించారన్న ఆరోపణలు మసీదు నిర్వాహకులపై వచ్చాయి.పోలీసులు ఈ కేసును పోక్సో చట్టం కింద నమోదు చేసి, నిందితుడిని జ్యుడీషియల్ కస్టడీకి తరలించారు.బాలికను వైద్య పరీక్షల నిమిత్తం ప్రభుత్వ ఆసుపత్రికి తరలించి, కౌన్సిలింగ్ అందిస్తున్నారు.ఈ ఘటనపై రాష్ట్రవ్యాప్తంగా తీవ్రంగా స్పందన వ్యక్తమవుతోంది. మౌల్వీ స్థాయిలోని వ్యక్తుల నుంచి ఇలాంటి దురాక్రమణలు జరగడం పట్ల పౌరసమాజం తీవ్ర ఆగ్రహం వ్యక్తం చేస్తోంది.