భారతదేశంలో మహిళా శక్తి ప్రభావం మరింత బలంగా కనిపిస్తోంది. టెక్నాలజీ రంగాన్ని శాసిస్తున్న హెచ్సీఎల్ టెక్నాలజీస్ ఛైర్‌పర్సన్ రోష్ని నాడార్ మల్హోత్రా తాజాగా మరో అరుదైన గౌరవాన్ని సొంతం చేసుకున్నారు. ఆమె దేశంలో అత్యంత సంపన్న మహిళగా, అలాగే టాప్ 10 కుబేరుల్లో అతి పిన్న వయస్కురాలిగా గుర్తింపు పొందారు.
రూ. 2.84 లక్షల కోట్ల ఆస్తి విలువ
ప్రఖ్యాత వ్యాపార విశ్లేషణ సంస్థ ఎం3ఎం-హురున్ ఇండియా 2025కి గాను విడుదల చేసిన భారత సంపన్నుల జాబితా (India Rich List) ప్రకారం, రోష్ని నాడార్ సంపద విలువ రూ. 2.84 లక్షల కోట్లు గా అంచనా వేయబడింది. ఈ అద్భుతమైన గణాంకాలతో ఆమె భారతీయ మహిళా పారిశ్రామికవేత్తల్లో నంబర్ వన్ గా నిలిచారు.
అతి పిన్న వయసులో టాప్ 10 లోకి
ఇందులో ప్రత్యేకత ఏమిటంటే, టాప్ 10 సంపన్నుల జాబితాలో రోష్ని నాడార్నే అతి తక్కువ వయస్సున్న పారిశ్రామికవేత్తగా గుర్తించారు. ఆమె టెక్ ప్రపంచంలో తనదైన ముద్రను వేసుకుంటూ, పెద్దవారిని ఔరా అనిపించే స్థాయికి చేరుకున్నారు. మగవారే ఎక్కువగా ఉన్న సంపన్నుల ప్రపంచంలో ఆమె స్థానం ప్రత్యేకం.
హెచ్‌సీఎల్‌ను ముందుకు నడిపిస్తున్న యువ శక్తి
HCL Technologies సంస్థను నడిపించే బాధ్యతను స్వీకరించిన నాటి నుంచే రోష్ని, తన విజన్, లీడర్‌షిప్‌, మరియు ఇన్నొవేటివ్ థాట్స్‌ ద్వారా కంపెనీని ఎన్నో గ్లోబల్ మార్కెట్లలో నిలబెట్టారు. కొత్త-age టెక్నాలజీ, డిజిటల్ సొల్యూషన్స్, స్కిల్స్ డెవలప్‌మెంట్ వంటి విభాగాల్లో హెచ్సీఎల్ ముందుండేందుకు ఆమె చేస్తున్న కృషి ప్రశంసనీయం.
యువ పారిశ్రామికవేత్తలకు ఆదర్శం
రోష్ని నాడార్ జీవితం అనేక మంది యువతకు ప్రేరణగా నిలుస్తోంది. సంపదను మాత్రమే కాకుండా, బాధ్యత, విలువలు, విజన్ కలిగిన నాయకత్వం ఎలా ఉండాలో ఆమె చూపించారు. భారత మహిళల బలాన్ని, ప్రతిభను ప్రపంచానికి చాటే మార్గదర్శిగా ఆమె నిలిచారు.
